"Бу соврин эмас". Спалетти "Ливерпуль" устидан қозонилган йирик ғалаба ҳақида гапирди

"Ажойиб ўйин ва ғалаба. Биз бунга лойиқ эдик. Натижа рақибнинг кучи ва унинг даражаси орқали баҳоланиши лозим. Бугун йигитларимиз кўрсатган ўйин жамоамизнинг юқори сифатини намоён этди. 

Ўйингача дурангга рози бўлармидингиз? Хеч қачон жамоамни чеклаб қўймаган бўлардим. Бизда аҳил жамоа, мақсадлар ва ғалабага бўлган истак бор. Бугун совринли ўйин эмас, шунчаки ажойиб баҳс бўлди. Буни кейинги учрашувларда ҳам кўрсатишимиз лозим. Тўхтаб қолмаймиз ва ишлашда давом этамиз. Биз яхши бошладик, ўйин сифатидан мамнунман, аммо эндигина йўлнинг бошланишидамиз. Бу биздан ҳар бир ўйинда максимал ҳаракатчанликни талаб этади", - деди Спалетти.