Британия шаҳзодаси "Манчестер Юнайтед" мухлисига ҳазил қилди

Хабарингиз бор, сентябрь ойи бошларида Британия қироличаси Елизавета II 96 ёшида вафот этди. Унинг тобутини кўриш учун минглаб одамлар соатлаб навбатда туришди. 

Улар орасида Англиянинг собиқ сардори Дэвид Бекхэм ҳам бор эди, у севимли монархга ҳурмат бажо келтириш учун 12 соат навбатда турган.

Британия шаҳзодаси Уильям спортнинг ашаддий ишқибози саналади. У тез-тез Англия кубоги финалларида ва бошқа йирик тадбирларда медаллар топширади.

Уильям шанба куни мотамга чиққан кишилар билан учрашди. Ёшлардан бири ундан қайси футбол жамоасини қўллаб-қувватлашни сўраганда, у "Астон Вилла" деб жавоб берди.

Шаҳзоданинг жавобини мухлислар хурсиниш билан қабул қилди. Уильям улардан "Сиз МЮ мухлисларимисиз?" деб сўраганда, улар "Ҳа" деб жавоб беришди. Шаҳзода эса "Ҳа, барчамиз ҳам мукаммал бўла олмаймиз", дея ҳазил қилди.