Боян Цигер "Навбаҳор" билан хайрлашди. Унинг кейинги манзили Малайзия бўлади
31 дек 2022 02:05
Янгиликлар

Боян Цигер "Навбаҳор" билан хайрлашди. Унинг кейинги манзили Малайзия бўлади

Футболчининг янги манзили ҳақида бир неча кун олдин хабар бергандик.

Ўтган мавсум "Навбаҳор" марказий ҳимоясида ажойиб ўйин кўрсатган Боян Цигер "Навбаҳор" клубини тарк этди.

"Навбаҳор"даги барча футболчиларга ва ходимларга ўз миннатдорчилигимни билдираман. Мухлисларнинг қўллаб-қувватлаши доимо хотирамда ва қалбимда қолади. Раҳмат ва омад!", -дейди Боян Цигер.

"Навбаҳор" клубининг маълум қилишича, Цигернинг кейинги манзили Малайзия бўлади.

Бундан бир неча кун олдин, сайтимизнинг "Эшитдик-да!" рукни орқали Цигернинг Малайзияга кетиши ҳақида хабар бергандик.

Эслатиб ўтамиз, Цигер Наманган клуби таркибига 2021 йилнинг ёзида келиб қўшилган эди. У "Навбаҳор" учун 44та расмий учрашувда майдонга тушиб, ўз ҳисобига 2та гол ёздириб қўйган.

Эшитдик-да! Цигер Малайзияга кетиш арафасида

Ҳавола :

Манба : "Навбаҳор" матбуот хизмати

Янгиликларни Телеграмда ўқинг!

Рейтинг: -2