UZ

Сўнгги янгиликлар

21:00Ўзбекистон — Ўмон 1:1 (Матнли трансляция)  227 20:57БАА Лига кубоги. "Ал Наср" ва "Ал Батаэҳ" 1/8 финалнинг илк ўйинида ўзаро дуранг ўйнади, Ғаниев ўйинда тўлиқ ҳаракат қилди  2 20:40"Аугсбург" — "Бавария". Таркиблар маълум  0 20:25"Вестерло" — "Антверпен". Таркиблар маълум  0 19:57"Барса" 17 ёшли озарбайжонлик футболчи билан шартнома имзолади  1 19:28"Алавес" — "Атлетико". Таркиблар маълум  0 19:03АПЛ. "Челси" Лондон дербисида ишончли ғалабага эришди  11 18:57"CAFA Nations Cup-2025". Қирғиз Республикаси ва Туркманистон ўзаро дуранг ўйнади  28 18:23"Тоттенхэм" — "Борнмут" ва МЮ — "Бёрнли" ўйинлари учун таркиблар маълум  10 17:52"Ньюкасл" 85+5 млн евро эвазига ҳужумчи харид қилди?!  11 16:53EЧЛ умумий босқичи тақвими: ўйинлар 16 сентябрдан 28 январгача бўлиб ўтади. "Реал" "Атлетико" билан дербидан 2 кун ўтиб, 30 сентябрь куни "Қайрат" меҳмони бўлади  10 15:2240 ёшли Роналду Португалия терма жамоасига чақирилди. Бруно, Феликс, Витинья, Далот ҳам рўйхатда  2 14:48Катта футболга йўл очувчи мусобақа — УЕФА Ёшлар Лигаси: "Қайрат" илк бор ЕЧЛда қатнашади  3 14:41Расман: Нкунку "Челси"дан "Милан"га ўтди  2 14:12"Байер" 30 миллион евролик трансферни амалга оширмоқда  0

Бор куч билан ўйнасак, Хитой ким бўпти! (Йигитларни ғалабага ундаш ҳақида) Янгиликлар

Бор куч билан ўйнасак, Хитой ким бўпти! (Йигитларни ғалабага ундаш ҳақида)

Бугун Ўзбекистон миллий терма жамоаси ЖЧ-2018 саралаш босқичидан ўрин олган навбатдаги учрашувни ўтказади.

Футболчиларимиз сафарда Хитой термасига қарши майдонга тушишади. Ўйин Тошкент вақти билан 17:00да бошланади. Тўғрисини айтганда, ҳаммамиз бу тўқнашувдан фақат ғалаба кутяпмиз. Олдимизда иккита ўйин қолди ва иккаласини ҳам ўз фойдамизга ҳал қилсак, марра - бизники. Ўзбекистон ўз тарихида илк марта жаҳон чемпионатига чиқади. 

Бунгача аксарият муҳим беллашувлар олдидан доим ваҳима ҳолатига тушиб қолганмиз. Бу ваҳима биринчи навбатда жамоамизнинг сафарда ўйнаши билан боғлиқ. Биз кўпинча терма жамоамиз сафар ўйинига борганда рақиб ҳақида оғиз кўпиртириб гапирамиз, уларнинг кучини юқори баҳолаймиз, бу эса футболчиларга албатта ўз таъсирини ўтказади. Лекин энди бундай гапларни гапирмаймиз. Биз Хитойни ҳурмат қиламиз, лекин улардан қўрмаймиз. 

Уларни ўтган йил Тошкентда мағлуб этганмиз, нега энди сафарда ҳам юта олмас эканмиз? Тарихга назар ташласак, Хитойдан биздан асло яққол кучли бўлмаган. Ўзим кўрган ўйинлар орасида Хитой фақат иккита беллашувда биздан устун бўлган холос. Бу 2001 йил ўтказилган ЖЧ-2002 саралаш ўйини (Хитой - Ўзбекистон 2:0) ҳамда 2015 йил Австралияда бўлиб ўтган Осиё чемпионатидаги Хитой - Ўзбекистон 2:1 учрашуви. Бошқа ўйинларда Хитойнинг биздан устунлигини кўрмаганмиз. 

Ўтган йил Тошкентда бу жамоани кўрганмиз, керак бўлса 2:0 ҳисобида ютганмиз ҳам. Шундан сўнг уларда бош мураббий ўзгариб, Марчелло Липпи жамоани қабул қилиб олганди. Ҳозирда кўпчилик Липпини гапиряпти, у киши мураббий сифатида жаҳон футболида кучли шахс, аммо шуни унутмайлик, майдонга Липпи тушиб ўйнаб бермайди. Майдонда ўтган йил биз мағлуб этган футболчилар ҳаракат қилишади. 

Мен энг аввало футболчиларимиз кучига ишоняпман. Ўйинчиларимизнинг салоҳияти, ўйини ва техникаси хитойликлардан кучли. Биз рақибни бемалол сафарда ҳам мағлуб эта оламиз, фақат футболчиларимиз ўз кучларига ишонишса бас. Осиёдан биздан кучли фақат Австралия, Япония, Эрон ва Жанубий Корея бўлиши мумкин, аммо бошқалар билан бемалол ўйнаса бўлади. Фақат ваҳимага тушмасак  бўлгани. Энг биринчи навбатда бош мураббий Бабаяннинг ўзи ваҳима қилмаслиги керак, чунки бу ўйинчиларга таъсир қилади. 

Бугун ғалаба биз томонда бўлишини қандайдир ич-ичимиздан сезиб турибмиз. Гўёки бу сафар жаҳон чемпионатига чиқадигандекмиз. Шуниси яхшики, ҳаммаси ўз қўлимизда. Қолаверса, рақиблар ҳам аввалгидек кучли эмас. Биз ҳозирги ҳолатда Хитойни ҳам, ундан кейин Кореяни ҳам бемалол мағлуб эта оламиз. Чунки биздан кўра улар саросимага тушиб қолган. Шу пайтгача бўлган ҳамма гапларни унутамиз ва бор эътиборни терма жамоани қўллаб-қувватлашга қаратамиз. Насиб қилса бугун соат 19:00дан байрамни бошлаб юборамиз. 

Х.Холиқов. 


Рейтинг: +33   

Фикрлар

championat.asia
< сўнгги янгиликларни кўриш
Яндекс.Метрика