Бонавентура “Фиорентина” билан келишиб олди
05 сен 2020 00:23
Янгиликлар

Бонавентура “Фиорентина” билан келишиб олди

“Милан”нинг собиқ ярим ҳимоячиси Жакомо Бонавентура фаолиятини “Фиорентина”да давом эттиради, дея хабар бермоқда Sportitalia.

30 ёшли Бонавентура олти мавсум давомида “Милан” шарафини ҳимоя қилди. У 2014 йили “Аталанта”дан “Милан”га кўчиб ўтган, трансфер суммаси 7 миллионе еврони ташкил этганди. У 2013 йилдан буён Италия термасига жалб этилмоқда.

Жорий мавсумда хавбек А Серияда 29 та учрашувда майдонга тушди. Учта гол уриб, бешта голли узатмани амалга оширди. Чемпионат якунига кўра “Милан” 6-поғонадан жой олди.

Илгарироқ футболчи “Рома” билан икки йиллик битимга имзо чекиши ҳақида хабарлар тарқатилганди. Унга кўра футболчи римликлар сафида йилига 2 миллион евро маош олиши айтилганди.

Ҳавола :

Манба : Sportitalia

Янгиликларни Телеграмда ўқинг!

Рейтинг: +1