Болт жароҳати боис “Манчестер Юнайтед” – “Барселона” учрашувини ўтказиб юборади

Фаолиятини якунлагач, ўзини футболда синаб кўрмоқчи эканлигини бир неча бор таъкидлаган ямайкалик спортчи 2 сентябрь куни “Олд Траффорд”да ўтказиладиган хайрия учрашувида майдонга тушиши кутилганди.

“Афсуски жароҳатим боис уч ой реабилитация ўташим лозим. Одатда мен соғлиғим билан боғлиқ муаммоларим ҳақида гапирмайман. Аммо бу сафар жуда кўп киши ҳақиқатан ҳам жароҳат олганлигим ҳақида сўрашди. Мен ҳеч қачон ўз мухлисларимни алдамаганман ва менинг жаҳон чемпионатида (енгил атлетика) сўнгги бор иштирок этишни жуда истагандим”, дея Болтнинг сўзларидан иқтибос келтирмоқда The Guardian.

Эслатиб ўтамиз, Болт 4х100 метрга эстафета югуриш баҳсларида иштироки чоғида жароҳат олганди. Натижада саккиз карра олимпия чемпиони фаолиятидаги сўнгги мусобақасида югуриш чоғида жароҳат олди ва финиш чизиғига етиб кела олмади.