Болалар футболи. Бухоро вилоятида республика очиқ турнири ўтказилди
16 июл 2018 13:06
Янгиликлар

Болалар футболи. Бухоро вилоятида республика очиқ турнири ўтказилди

Ўзбекистон футбол ассоциацияси томонидан болалар футболини ривожлантириш, улар ўртасида соғлом турмуш тарзини тарғиб қилиш йўналишидаги чора-тадбирларни амалга ошириш давом этмоқда.

ЎФА томонидан ташкил қилинаётган болалар ўртасидаги мусобақаларнинг навбатдагиси Бухоро вилоятида бўлиб ўтди. 2006-2007 ҳамда 2008-2009 йилда туғилган болалар ўртасида “Фаол тадбиркорлик, инновацион ғоялар ва технологияларни қўллаб-қувватлаш” йилига бағишланган футбол мусобақаси кўтаринки руҳда ташкил қилинди.

Футбол турнири футбол ассоциациясининг ходимлари томонидан юқори савияда ташкиллаштирилиб, қатнашчилар ва томошабинларда катта таассуротлар қолдирди.

Мусобақа ғолибларига сертификат ва эсдалик совғалари топширилди. Мусобақа натижаларига кўра совринли ўринларни қуйидаги жамоалар эгаллашди:

2006-2007 йилда туғилганлар:
1-ўрин “Андижон” Баликчи тумани
2-ўрин “28-БЎФМ” Бухоро шаҳри.
3-ўрин “Навбахор” Наманган шаҳри ва “БЎСМ-2” Навоий шаҳри

2008-2009 йилда туғилганлар:
1-ўрин “Пахтакор” Тошкент шаҳри
2-ўрин “БЎСМ-1” Самарқанд шаҳри
3-ўрин “БЎСМ-2” Самарканд шаҳри ва “Ғаллаорол” Жиззах вилояти

Ҳавола :

Манба : the-uff.com

Янгиликларни Телеграмда ўқинг!

Рейтинг: -1