Бобур Зуҳриддинов: "Бунёдкор"дек жамоани бизга қарши ҳимоядан ўйнагани кайфиятимизни кўтарди"
21 май 2016 21:26
Янгиликлар

Бобур Зуҳриддинов: "Бунёдкор"дек жамоани бизга қарши ҳимоядан ўйнагани кайфиятимизни кўтарди"

Ўзбекистон кубоги доирасидаги "Бунёдкор" - "Обод" (2:1) учрашувидан кейин меҳмонлар бош мураббийи Бобур Зуҳриддинов иштирок этди.

- Мағлубиятга учраганимиз учун кайфиятим яхши эмас. Аммо иккинчи бўлимда "Бунёдкор"дек жамоа бизга қарши ҳимоявий ўйин кўрсатишгани бизни қувонтирди. Ўзбекистоннинг энг кўзга кўринган ва кучли жамоаси бизга қарши ҳимоядан ўйнагани бизни кайфиятимизни кўтарди деб айта оламан. Футболчилар ўйин охирига келиб жисмоний жиҳатдан чарчаб қолмоқда. Бу борада иш олиб борилмоқда. Шунингдек, биз кўпроқ тўп билан муомалада бўлишга ҳам эътибор қаратмоқдамиз. Давралар оралиғида ҳар бир чизиқни кучлироқ футболчи билан тўлдирмоқчимиз. Аммо унга қадар ўз устимизда ишлашга мажбурмиз. Жафар Ирисметов? Ушбу мутахассис бизга ҳар доим ўз маслаҳатларини аямай келмоқда. Аммо Ирисметов доим ҳам биз билан бирга бўлолмаяпти. Чунки уларнинг ўз бизнеслари бор.