UZ

Сўнгги янгиликлар

16:05Мажид Ҳасан: "Узоқ вақтдан бери мағлубиятга учрамай келаётган Ўзбекистонга қарши икки баравар куч билан майдонга тушишимиз лозим"  1 15:40Али Хасиф: "Ўзбекистон енгиб бўлмас тўсиқ эмас"  8 15:24Аллегри "Милан"га қайтди  0 15:12"Реал" янги футболчисини эълон қилди  8 15:03БАА терма жамоаси Ўзбекистон билан ўйинга тайёрланмоқда  9 14:44Эшитдик-да! "Нефтчи" раҳбариятида истеъфо  12 14:44"Дутор" ва "Котта Болла"дан ғалабалар — Like Cup мусобақасидан ФОТОГАЛЕРЕЯ  1 13:51Доннарумма вакили ПСЖ ҳақида: "Агар янги шартнома имзоламасак, бошқа вариантларни кўриб чиқамиз – ҳеч нарсани истисно қилмаймиз. Жанлуижи Парижда хурсанд".  0 13:12Россияга қарши баҳс учун Ўзбекистон ёшлар терма жамоасига чақирилган футболчилар рўйхати эълон қилинди  7 12:43Ўзбекистон - Қатар учрашуви учун чипталар офлайн сотилади  23 12:09Ла Лига мавсумида ВАРнинг энг кўп қарорлари "Реал"га қарши қабул қилинган – 16 та, "Барса"га қарши – 7 та  30 11:37ФИФА Анчелоттининг Бразилия терма жамоасига тайинланиши бўйича тергов бошлади  2 10:52Италия грандларига "Реал" ҳужумчиси керак  3 10:23Тен Хаг МЮдан собиқ футболчиларини олиб келмоқчи  6 09:54МЮ Осимхенни қўлга киритиш учун "Наполи"га ўз футболчисини таклиф қилди  1

Бобур Зуҳриддинов: "Бунёдкор"дек жамоа билан дуранг ўйнаганимиздан хурсандман" Янгиликлар

Бобур Зуҳриддинов: "Бунёдкор"дек жамоа билан дуранг ўйнаганимиздан хурсандман"

"Обод" - "Бунёдкор" учрашувидан сўнг мезбонлар устози Бобур Зуҳриддинов матбуот анжуманида қатнашди.
- Яхши учрашув бўлди. Режаларимизнинг 100 фоиз бўлмаса-да, анчагина қисми амалга ошди. Айрим вазиятларда камчиликларимиз ҳам кўриниб қолди. Лекин “Бунёдкор”дек рақибга қарши муносиб қаршилик кўрсатганимиздан хурсандмиз.

- Учрашувда дуранг қайд этилгани сизнинг ўйинга тўғри тактика танлаганингиз билан боғлиқми ёки рақибнинг ўйини қовушмагани сабаблими?  
- Мен бугун “Бунёдкор” яхши ўйнай олмади, демаган бўлардим. Рақиб керак бўлса, бизга “дарс” ўтди. Аввал ҳам айтгандим, биз изланиш йўлидамиз. Шундай рақибларга қарши ўйинда ўзимизга кўп нарса оламиз ва изланишда давом этамиз.

- “Бунёдкор” посбони Акбар Тўраев ҳақида фикрларингиз.
- Рақиб дарвозабони ҳақида фикр билдирмайман. Чунки ўйин давомида ўз футболчиларимнинг ҳаракатларини кузатиб бордим. Сўрадингиз айтаман: Тўраев учрашувни ёмон ўтказгани йўқ.

- Ўзингиз нима учун дарвозабонингизни алмаштирдингиз?
- Дарвозабонимизни алмаштирганимиз тактика билан боғлиқ. Биз бугунги учрашувга ҳар томонлама пуҳта тайёрлангандик. Сабаби, “Бунёдкор”дек рақибларга қарши баҳсларда хато қилишга ҳаққимиз йўқ. Биргина хато қимматга тушиши мумкин. Яна қайтараман: дарвозабонимиз ўйлаган тактика туфайли алмаштирилди.

- Хўп, ўша вазиятда дарвозабондан кўра, бирор бир футболчини майдонга тушириб, ўйинни кучайтирсангиз бўлмасмиди?
- Албатта бўларди. Бироқ айтганимдек, биз бу учрашувга жиддий тайёргарлик кўргандик. Аввалроқ ўйин режасини тузиб чиққандик.

- Футболчиларингиз иккинчи бўлимда чарчаб қолаётгандек кўринмоқда. Олий лигада бутун бир мавсумни ўтказишга жамоанинг захира ўриндиғи қисқалик қилмасмикан?
- Бизнинг асосий мақсадимиз курашувчан жамоа тузиш ва шунга ҳаракат қиляпмиз. Балки сизга захирамиз қисқадек кўринаётгандик, аммо таркибимизда муаммо йўқ. Биз бу футболчиларни декабрь ойидан бери кузатиб келяпмиз ва саралаб олганмиз.  
Рейтинг: +12   

Фикрлар

championat.asia
< сўнгги янгиликларни кўриш
Яндекс.Метрика