Боатенг йўл транспорт ҳодисасига учради

"TV Oberfranken" маълумотига кўра, футболчи Лейпцигга ўғлини олдига кетаётган бўлган. Мюнхен яқинида у йўл чеккасидаги тўсиқнинг устига чиқиб кетган. Қайд этиш керак, унинг машинасида ёзги шиналар тақилган ва бу билан қорли ҳавода юриб бўлмасди. Боатенгга ҳеч қандай жароҳат етмаган. Бироқ авария 25 минг евро зарар келтирган.

31 ёшли ҳимоячи ушбу мавсумда "Бавария" таркибида барча турнирларда 24 ўйинда қатнашди ва 1 голга ассистентлик қилди. Унинг клуб билан шартномаси 2021 йилга қадар давом этади.