Бир неча турк клублари Гринвудни ижарага олишга тайёр. МЮ эса...

"Манчестер Юнайтед" клуби ярим ҳимоячиси Мэйсон Гринвуд ўйин амалиётига эга бўлиши мумкин. The Telegraph нашрининг хабар беришича, бир неча турк клублари Мэйсонни ижарага олиш истагидалар. Туркияда трансфер ойнаси ҳали ёпилганича йўқ. 

"Манчестер Юнайтед" клуби эса футболчи бўйича ҳеч ким билан музокара ўтказишни истамаяпти. Клуб футболчи бўйича ўтказилаётган ички суриштирув якунлангандан сўнггина, Гринвуднинг келажаги борасида бир тўхтамга келинади. 

Эслатиб ўтамиз, жинсий тажовуз билан айбланган футболчи охирги марта 2022 йилнинг 22 январь куни майдонга тушганди.