UZ

Сўнгги янгиликлар

00:52Давид Райя: "Янги тўплар эскисидан фарқ қилади"  0 00:14Бундеслига. "Боруссия" Д йирик ғалабага эришди  0 23:45А Серия. "Ювентус" 2-турда ҳам ғалабага эришди  3 23:40ЛаЛига. "Райо Вальекано" - "Барселона" баҳси асосий таркиблари маълум!  3 23:30Абдуқодир Ҳусанов "CAFA Nations Cup" мусобақасида ўйнайдими?  3 23:08Туркия. "Истанбул Башакшеҳир" ўз майдонида "Эйюпспор"ни мағлуб қила олмади  35 22:55"Севинч" тарих яратди ва ОЧЛга йўлланма олди!  4 22:40Пеп Гвардиола: "Балки Ҳусанов жароҳат олмаганида ютқазмаган бўлардик"  20 22:25АПЛ. "Ливерпуль" Собослаининг суперголи эвазига "Арсенал"ни мағлуб қилди  39 21:53"Манчестер Юнайтед" янги дарвозабони билан келишувга эришди  7 21:45АПЛ. "Брайтон" - "Манчестер Сити" 2:1  1 21:35Родри: "Мен Месси эмасман"  14 21:11"Арсенал" ҳар турда йўқотишларга учрамоқда  1 20:50"Манчестер Сити" АПЛнинг дастлабки уч ўйинининг иккитасида мағлуб бўлди  4 20:15"Челси" - "Фулхэм" ўйини ҳаками четлатилди  4

Бир гуруҳ "темирйўлчилар"нинг навбатдаги манзили "Қизилқум". Бунга нима сабаб бўлди? Янгиликлар

Бир гуруҳ "темирйўлчилар"нинг навбатдаги манзили "Қизилқум". Бунга нима сабаб бўлди?

Теглар :  Қизилқум
"Қизилқум" жамоаси янги мавсум олдидан таркибига бир қатор янги футболчиларни қўшиб олмоқда.

Жорий мавсум қишки трансферлар ойнасида "Навбаҳор", АГМК, "Нефтчи" жамоалари муҳокама марказида бўляпти. Улар орасига бемалол "Қизилқум"ни ҳам кирита оламиз. Ўтган мавсум "Локомотив"да тўп тепган бир гуруҳ ижрочилар эндиликда навоийликлар сафида жавлон уради. Келинг айни пайтга келиб жамоада нечи нафар собиқ "темирйўлчилар" йиғилганига қарасак: Жавоҳир Илёсов, Темурхўжа Абдуҳолиқов, Шуҳрат Муҳаммадиев, Бобур Йўлдошев, Игнатий Нестеров, Санжар Шоаҳмедов, Ислом Тўхтахўжаев. Бу ҳолат ажабланарлими? Йўқ. Чунки бундай ҳолат футболимизда илк бор юз бермаяпти. Ўз вақтида "Пахтакор"нинг бир нечта футболчилари "Бунёдкор"га, сўнгги йилларда "Насаф" жамоасидаги кўпгина ижрочилар "шерлар" сафига келиб қўшилишган. Шу боис "Локомотив" аъзоларининг "Қизилқум"га ўтишларини оддий қабул қилдим. 

1. Ҳамиджон Актамов 

Ҳамиджон Актамов гарчи шу кунга қадар мураббий сифатида қирраларини тўлиқ кўрсата олмаган бўлсада, менежерлик бобида кўпчиликка ўрнак бўла олади. Ундаги кучли ташкилотчилик, футболчилар билан ҳар қандай вазиятда тил топишиб кета олиш хислати юқоридаги номларни Навоийга келишига сабаб бўлиши мумкин. Футболчиларни жамоага олиб жалб қилиш, уларни кўндириш ҳам бир маҳорат аслида. 


2. Маблағ томонлама 

"Локомотив" клуби ўз сиёсатини ўзгартирган ҳолда номдор футболчилардан воз кечиб ёшларга эътибор қаратмоқда. Тажрибали ижрочилар эса қайсидир маънода яхшигина маблағ ишлаб олиш мақсадида ҳам "Қизилқум"га ўтишмоқда, дея оламиз. Мазкур ҳолатга оддий қараймиз ва тўғри тушунамиз. Футболчининг умри қисқа, у иложи борича кейинги фаолияти учун даромад қилиб олиши керак.  



3. Ўйинларнинг Тошкентдаги "Локомотив" стадионида ўтиши 

Навоийдаги стадион майсаси алмаштирилиши сабабли "Қизилқум" уй учрашувларини Тошкентда ўтказади. Бу эса собиқ "Локо"чилар учун айни муддао. Тўғри пойтахтда рақибларни қабул қилиш вақтинчалик. Лекин мана шу жараёнда жамоа янада ўзаро жипслашиб олади. Улар четга чиқишмайди, "Локомотив" стадионида ўйнашда давом этишади, фақат "Қизилқум" либосида.


Нима бўлганда ҳам уларга янги жамоада омад тилаб қоламан. Юқоридагилар эса фақат шахсий фикрим ҳисобланади. 




Муаллиф : Iskandarov Abdulaziz
Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика