Биласизми? Ўзбекистон уч, Таиланд икки марта финалга чиққан

Ғолиб жамоа қитъа чемпионатининг финалига йўл олади. Бугунга қадар Ўзбекистон терма жамоаси Осиё чемпионатида уч бор финал ўйинида майдонга тушган. 2001 йил Эронда ўтказилган мусобақада жамоамиз финалда мезбонларга 0:9 ҳисобида ютқазиб қўйишган. 2006 йил Тошкентда ўтган мусобақада ҳам вакилларимиз ҳал қилувчи баҳсда иштирок этишган. Бу сафар Япония 5:1 Ҳисобида ғалаба қозонган. 2010 йил яна Тошкент мезбонлик қилган чемпионат финалида Ўзбекистон Эронга қарши ўйнаб 3:8 ҳисобида ютқазиб қўйганди.

Таиланд терма жамоаси эса 2008 ўз уйида ўтган қитъа биринчилиги финалида Эронга 0:4, 2012 йил БААдаги Осиё чемпионати финалида Японияга 1:6 ҳисобида имкониятни бой бериб қўйган.

Демак, агар бугун Ўзбекистон ғалаба қозонса тўртинчи бор, Таиланд зафар қучса учинчи бор финалга чиқади.