Бекхэмнинг ўғли “Интер Майами”даги илк голини жарима зарбасидан чиройли тарзда урди. Бунгача унда 7 та ассист бор эди
12 июл 2022 09:45
Янгиликлар

Бекхэмнинг ўғли “Интер Майами”даги илк голини жарима зарбасидан чиройли тарзда урди. Бунгача унда 7 та ассист бор эди

МЛС жамоаларининг ўринбосарлари ўртасидаги Next Pro чемпионатининг навбатдаги турида “Интер Майами” “Орландо Сити”га қарши баҳс олиб борди.

Учрашувнинг 84-дақиқасида маямиликлар ярим ҳимоячиси Ромео Бекхэм жарима зарбасидан чиройли тарзда рақиб дарвозасини ишғол этиб, ўйинга якуний нуқтани қўйди – 3:1.

Бу 19 ёшли хавбекнинг “Интер Майами”даги илк голи бўлди. Бунгача эса унинг ҳисобида 7 та ассист бор эди.

Эслатиб ўтамиз, Дэвид Бекхэмнинг ўғли бунгача “Арсенал” ёшлар жамоасида ҳаракат қилган.