Бартомеу: “Вальвердедан мамнунмиз”

Вальверде 2017 йилнинг май ойида Каталония клуби билан икки йиллик келишувга имзо чекканди. Бартомеунинг айтишича, томонлар аллақачон келишувни узайтиришган.

“Вальверденинг жамоа билан амалдаги шартномаси ушбу мавсум ва келгуси мавсумда ҳам амалда бўлади. Бу ерда яна бир банд борки, томонлар ўзаро келишиб, компенсация пулини тўлаган ҳолда келишувни бекор қилиши мумкин. 

Эрнесто жамоага яхши мослаша олди. Римдаги учрашувни ҳисобга олмаса, мавсумни яхши ўтказа олди.  Бизда ажойиб жамоа ва футболчилар бор. У ақлли мураббий. Ўйин концепсияси ва услубини хотиржам тарзда таҳлил қила олади”, деди Бартомеу “Catalunya Ràdio”га берган интервьюсида.