Каталония клуби раҳбарларининг бир қисми 20 млн. еврога тушадиган Озилнинг трансфери "Ливерпуль" ярим ҳимоячиси Филиппе Коутиньоникидан (150 млн. евро) фойдалироқ деб ҳисоблашмоқда. Бошқалар эса 29 ёшли хавбекни "Атлетико"дан "Барса"га ўтган Арда Туран каби баҳолашмоқда. Уларнинг фикрича, Озил ҳам Туран каби кутилган ўйинни намойиш этмайди. Бунинг устига, Озил катта маош талаб қилмоқда.
Немис футболчисининг "Арсенал" билан шартномаси 2018 йилнинг ёзида якунига етади, томонлар янги битим борасида келиша олишмаяпти.
