“Барселона” Мартинесга асосий таркибдан жой ваъда қилди

Кўк-анорранглилар 22 ёшли аргентиналик футболчига агар у жамоага ўтадиган бўлса, асосий таркибдан жой ваъда қилишмоқда, дея хабар бермоқда Sport.es.

Нашр маълумотларига кўра, Мартинес каталонияликларнинг ҳужум чизиғида асосий фигура сифатида қаралмоқда. Агар Суарес ҳам жамоада қоладиган бўлса, каталонияликлар ҳужум чизиғида икки нафар ҳужумчи тўп тепиши ёки Суарес захирада қолдирилиши мумкин.

Илгарироқ   Лаутаро “Барселона” билан шахсий шартнома   борасида келишувга эришганлиги борасида хабарлар чиққанди. Айни пайтда испанлар “Интер” раҳбарияти билан трансфер суммаси борасида музокараларни давом эттиришмоқда. Миланликлар ҳужумчи трансферидан 111 миллион евро ишлаб олишмоқчи.