"Барселона" Кристенсен билан шартнома имзолаганини маълум қилди

Футболчи "Челси" билан шартномаси тугаганидан кейин эркин агент сифатида Каталония клубига кўчиб ўтди. Даниялик ҳимоячи ва "Барса" ўртасидаги келишув муддати 2026 йилгача мўлжалланган.

Кристенсеннинг клуб билан шартномасида товон пули 500 миллион еврони ташкил этади. 7 июль, пайшанба куни ҳимоячи Каталония клуби футболчиси сифатида таништирилади.

Андреас 2012 йилда "Челси" такрибига киритилди ва 2014 йилда жамоадаги дебютини ўтказди. Клуб билан у Чемпионлар лигаси, Европа лигаси, Клублар ўртасидаги жаҳон чемпионати, Европа суперкубоги, Англия кубоги ва лига кубогини қўлга киритди.