"Барса" Гризманнинг келажакдаги трансферидан даромад олади
10 окт 2022 16:02
Янгиликлар

"Барса" Гризманнинг келажакдаги трансферидан даромад олади

Франциялик ҳужумчининг "Атлетико"га трансфери амалга ошиши аниқ бўлди.

Каталония клуби узоқ музокаралардан сўнг Гризманни собиқ жамоасига 24 млн еврога қайта сотишга рози бўлди. Бироқ "кўк-анорранглилар" 40 млн еврони 24 млн’га камайтирилишига шунчаки кўниб қўя қолганлари йўқ, агар Антуан "матрасчилар" томонидан бирор бошқа клубга трансфер қилинадиган бўлса, маълум фоизи "Барселона"га тўлаб берилади.

Антуан Гризманн ушбу мавсумда ғалати тарзда иккинчи таймда майдонга туширилган бўлса-да, 11 ўйинда кўриниш берди ва 5 бор самарадорлик ("3+2") кўрсатди.

2018 йилда ўзининг рекорд 150 млн евролик трансфер баҳосига кўтарилган 31 ёшли ҳужумчи 2019 йилда Каталония грандига 120 млн еврога пуллаб юборилганди. Ҳозирда Гризманнинг трансфер баҳоси 35 млн’ни ташкил этади.

Ҳавола :

Манба : Marca

Янгиликларни Телеграмда ўқинг!

Рейтинг: