Баҳрайн ва БААга қарши ўйинларни бошқарадиган ҳакамлар номи маълум

Миржалол Қосимов бош мураббийлигидаги Ўзбекистон миллий терма жамоаси айни дамда БААнинг Дубай шаҳрида навбатдаги йиғинини ўтказмоқда. Мазкур йиғин давомида Қосимов шогирдлари 10 октябрь куни Баҳрайн, 14 октябрь куни эса БАА миллий терма жамоаларига қарги ўртоқлик учрашувларида майдонга тушадилар. Ушбу ўйинлар арафасида ҳар иккала учрашувни бошқариб борадиган ҳакамлар номи маълум бўлди.

Ўзбекистон терма жамоасининг Баҳрайнга қарши ўйинини БААлик Фаҳад ал-Кассар бошчилигидаги ҳакамлар бошқариб боришади Унга қанотларда Аҳмад ар-Рашидий ва Собит Сурур ёрдам беришади. Захира ҳаками вазифасини Муҳаммад аз-Заруний бажаради. Мазкур ўйин Дубайдаги «Sevens» стадионида бўлиб ўтади.

Қосимов шогирдлари БААга қарши ўйинини 14 октябрь куни Абу-Даби шаҳридаги «Муҳаммад бин Зайд» стадионида ўтказади. Бу ўйинда мисрлик ҳакамлар ишлашади. Бош ҳакам Иброҳим Нуриддинга қанотларда Айман Дегаиш ва Аҳмад Ҳуссом ёрдам беришади. БААлик Абдулкарим аз-Заруний захира ҳаками сифатида фаолият юритади