Баҳодир Аҳмедов: "Хатога йўл қўйган бўлишса-да, йигитлардан кўнглим тўлди"

"Бугун илк ўртоқлик учрашувини ўтказдик. Дастлабки тўртликда ёш ўйинчиларимизга имконият бердик. Уларнинг ўйини менга ёқди. Кейинги тўртликда жуда кўп таркибни синаб кўрдим. Чунки ёш йигитларни кўриб олишим керак. Билиниб турибди, ҳали анча ўз устида ишлашлари лозим. Худо хоҳласа, уларнинг даражаси ўсади. Улар илк бор халқаро даражадаги ўйинда қатнашишди. Анча вазиятлардан фойдаланишда оқсашди. Умуман олганда, йигитлардан кўнглим тўқ", – деди Аҳмедов.

- Ўйин давомида жуда кўп тўп йўқотдик ва дарвоза олдида тўпни йўқотишимиз ортидан 2 та гол ўтказиб юбордик. Бу кўпроқ ёш ўйинчилар ўйнагани билан боғлиқми ёки бошқа сабаблар борми?

- Бошқа сабаблар ҳам бор. Чунки таркиб ўзгартирганимиз туфайли унга мослашиш қийин кечади. Шунинг учун бундай ҳолатлар учрайди. Биринчи ва иккинчи тўртлик бир-бирини тушунади, аммо ёшлар ва янгилар хато қилишади. Бу биз учун керак нарса, чунки айнан шу хатоларни кўриб, буни устида ишлаймиз.

- Мураббий сифатида бугунги баҳсдан нималарни олдингиз?

- Ёшларимиз нимага қодирлигини кўриб олдим. Хатога йўл қўйган бўлишса-да, йигитлардан кўнглим тўлди.

Футзал. Ўзбекистон ва Тожикистон ўртасидаги дастлабки ўртоқлик учрашувида кучлар тенг келди