“Айнтрахт” устози: “Кўзларимда ёш”

Костич бошқа клуб билан музокара олиб бораётгани туфайли “Реал”га қарши титул учун баҳс қайдномасига киритилмади.

Аввалроқ, ярим ҳимоячи “Ювентус” билан келишиб қўйгани ва 2025 йилга қадар шартнома имзолаб, йилига 2,7 млн евро маош олиши хабар қилинганди.

“Кўзларимда ёш. Костич биз учун жуда муҳим эди ва унинг кетаётгани албатта хафа қилади. Ўтган мавсум у 22 та голли комбинацияда қатнашди. Аммо ўтган мавсум стартини эсласам, у кетишига оз қолганди. Биз яхши суҳбат ўтказдик ва кейин у музокараларга 100 фоиз киришди. Унга агар “Айнтрахт”дан кетмоқчи бўлса, буни қаҳрамон сифатида қилиши кераклигини айтдим. Ўйлашимча, у бунга эришди, чунки Европа Лигаси охирги мавсумининг энг яхши футболчиларидан бири бўлди”, дейди Гласнер.