"Аякс" Аллер билан 25 млн евро эвазига шартнома имзолайди. "Вест Хэм" уни 2019 йилда рекорд, 50 млн эвазига харид қилганди

Клублар бонуслар билан бирга 25 миллион евро эвазига амалга ошадиган трансфер борасида келишувга эришишди. Бу ҳақда Фабрицио Романо хабар бермоқда.

26 ёшли ўйинчининг шартнома шартлари ҳам келишиб олинган, франциялик футболчи тез орада янги клуби учун тиббий кўрикдан ўтади.

"Вест Хэм" 2019 йилнинг ёзида Аллер учун 50 млн евро тўлаганди ва бу Лондон клуби учун рекорд бўлган эди.

Аллер жорий мавсум Англия Премьер-лигаси доирасидаги 16та ўйинда 3та гол уришга эришди.