Анвар Раҳимов: "Футбол ҳамма жойда бир хил, фақат мақсадлар ҳар хил бўлади"

Ушбу учрашувдан сўнг "Цементчи" клуби футболчиси Анвар Раҳимов ўз фикрлари билан ўртоқлашди.

"Ўз олдимизга қўйилган вазифани бажариб бўлган бўлсак ҳам "Сурхон" жамоасига қарши учрашув биз учун қийин бўлди. Нима бўлган тақдирда ҳам ўз уйимизда, мухлисларимиз кўз ўнгида ғалаба қозонишимиз шарт эди. Ушбу баҳсда омад бизга кулиб боқди ва ғалабани қўлга киритдик. Жамоада ички мухит анча яхши, футболчилар бир-бири билан иноқ. 

Футбол ҳамма жойда бир хил фақат мақсадлар ҳар хил бўлади. "Оқ-тепа"да ҳам мақсад олий лига эди, фақат у ерда бироз омад етишмади. "Оқ-тепа"да эришмаган орзуимга "Цементчи"да эришдим. Энди навбат олий лигада исботлашимиз қолди. Олий лигада олдимизга катта вазифа қўямиз", - дейди "Цементчи" футболчиси Анвар Раҳимов

Жаҳонгир Сотволдиев ёзиб олди