Avant, France!

Ҳамон барчани катта суммадаги трансферлар билан ҳайратлантираётган парижликлар учун бу мавсумда Чемпионлар лигасида яхши иштирок этиш асосий мақсад саналади.

Чемпионатда уларга муносиб рақиб йўқлиги ойдек равшан. “Монако” ҳам ҳали ПСЖга рақобат қиладиган даражада кучли эмас. Қолаверса, монаколиклар таркибни унчалик кучайтиришмади. Аксинча, Хамес Родригесни “Реал”га сотиб юборишди.

“Лилль”, “Лион” ва “Марсель” эса ҳозирча чемпионлик учун курашадиган аҳволда эмас. Таркиб борасида ҳам фақат Лоран Блан жамоасида муаммо деярли кўзга ташланмаяпти.

Францияда ўртамиёна ва аутсайдер клублар асосан янги юлдузларни тарбиялаш билан машғул. Ўтган мавсумда бир қатор футболчилар кашф этилди. Бу нарсани клублар яна давом эттиришларига шубҳа йўқ.

Хуллас, Франция чемпионатини биргаликда кузатиб борамиз. Чунки, бу ерда ҳеч кимга танилмаган юлдузлар ўзларини кўрсатиш учун бор маҳоратларини ишга солишади. Улар ўзларини ПСЖдаги супер футболчилар қаршисида синаб кўришади. Демак, “Реймс” – ПСЖ учрашувини ўтказиб юборманг