"Атлетико" италиялик футболчини харид қилади

Клублар 22 млн евро ва бонуслар сифатида 4 млн евролик келишувга эришди, дея хабар бермоқда инсайдер Фабрицио Романо.

Неаполликлар ўтган ҳафтада 25 ёшли футболчи учун 30+5 млн евро олмоқчи экани айтилганди.

Ҳужумчи кеча эрталаб "Атлетико"га ўтишни истаб, шахсий трансфер шартларини келишиб олди. "Наполи" эса ўз навбатида футболчини сотишга тайёр эди.

Распадори ўтган мавсум А Серияда 26 та ўйинда майдонга тушиб, 6 та гол ва 1 та голли узатмага муаллифлик қилган.