"Атлетико" Феликснинг ўрнига икки нафар ўринбосар топди

Бунга сабаб Феликснинг Диего Симеоне билан бўлган келишмовчиликлари. Жоау клуб раҳбариятига жамоадан кетмоқчи эканлигини айтиб улгурган, раҳбарият эса у ўзини бошқа бир клубда синаб кўришига қарши эмас, чунки Феликс трансфери орқали жамоанинг молиявий ҳолати яхшиланиши кутилмоқда.

AS газетасининг ҳабар беришича, "Матрасчилар" қишқи трансфер ойнасида Жоау Феликс трансферидан 100 миллион евро ишлаб олишни кўзламоқда, трансфердан тушган пуллар эвазига жамоа молиявий ҳолатини яхшиламоқчи ва бир нечта янги ўйинчи сотиб олишни ният қилган ва Симеоне учун Феликснинг ўрнини босадиган икки нафар ўйинчи ҳам тайёр, улар:

Маркус Тюрам: Франциялик ҳужумчининг "Боруссия" М жамоаси билан шартномаси 2023 йил ёзида якунига етади ва Тюрамнинг жамоадан кетиши деярли аниқ. "Атлетико" эса французни қишда ўз сафига кўшиб олмоқчи. Бу мавсум Тюрам барча мусобақаларда 15 ўйин ўтказиб, 10та гол ва 3та ассист амалга оширди ва жаҳон чемпионатида 5та учрашувда иштирок этиб 2та голли пасни ўз номига ёздириб қўйди.

Энес Унал: "Хетафе" форварди сўнгги йилларда, Ла лиганинг энг стабил ҳучумчиларидан бири ҳисобланади ва бу мавсум 14та учрашувда 4та гол ва 2та ассист амалга оширди. Диего Симеоне ўни ўз жамоасида кўришни истайди, чунки Симеоненинг тактик схемасига туркиялик ўйинчи мос тушади.