Асрор Алиқулов: "Насаф" савия жиҳатдан "Шўртан"дан бир бош баланд"

- Биринчи навбатда Қашқадарё футболи мухлисларини футбол баҳори билан табриклайман. "Насаф" эса аллақачон футбол мавсумини бошлаб юборди. Шу фурсатдан "аждарлар" мухлисларини ОЧЛдаги ғалаба билан ҳам табриклаб ўтаман. Ўйин келадиган бўлсак, бизлар "Насаф" жамоасини биринчи рақамда ўйнашини кутгандик. Чунки бу жамоа таркиб жиҳатдан анча кучли. Шу боис биз ҳимоя эътибор қаратган ҳолда қарши ҳужумда ўйнашни режалаштиргандик. Бир томондан олиб қараганда, биз биринчи гол уриб олдинга чиқиб олгандик. Аммо "Насаф" жамоаси юқори даражадаги кучли футболчиларга эга эканлигини туфайли вазиятни ўз томонига оғдира олди. Бугунги ўйинда "Насаф" футболчиларининг "Шўртан" аъзоларидан савияси бир бош баландлиги сезилиб турди ва бу нарса учрашув якунида ўз сўзини айтди. Бугун қанотларни рақибга топшириб қўйдик. Иккинчи бўлимда "аждарлар" катта куч билан олдинга боришди ва ўйинда катта ташаббусга эга чиқишди. Жамоамиз чарчаб қолгани ҳам бизга панд берди. Рақиб кучини тан олган ҳолда уларни бугунги ғалаба билан табриклайман.