"Арсенал" ва "Барселона" собиқ футболчиси Баҳрайнда фаолиятини тиклади
07 июл 2021 19:32
Янгиликлар

"Арсенал" ва "Барселона" собиқ футболчиси Баҳрайнда фаолиятини тиклади

Теглар : Александр Глеб "Барселона""Арсенал""Ал Ҳолидия"

40 ёшли Александр Глеб "Ал Ҳолидия" сафига қўшилди.

"Ал Ҳолидия" ўтган йилнинг охирида ташкил этилган клуб бўлиб, Баҳрайн олий дивизионига чиқишга муяссар бўлган.

Александр Глеб ўтган йили март ойида фаолиятини якунлаганини ва кейинги фаолияти бўйича вақт ўтиб бир қарорга келишини маълум қилган эди.

Маълумот учун, футбол юлдузи Беларуснинг 6 карра чемпиони ва 6 карра энг яхши футболчиси саналади. У Чемпионлар Лигасини ютган ягона беларуслик ўйинчидир. Хавбек фаолияти давомида БАТЭ, "Штутгарт", "Арсенал", "Барселона", "Вольфсбург", "Бирмингем Сити", "Крилья Советов", "Коньяспор", "Генчлербирлиги"да ўйнаган. Унинг охирги жамоаси "Ислочь" эди.

Глеб Беларусь терма жамоаси таркибида 80 ўйин ўтказиб, 6 та гол урган.

Ҳавола :

Манба : championat.asia

Янгиликларни Телеграмда ўқинг!

Рейтинг: +7