"Арсенал" Суботичга эътибор қаратди
11 мар 2015 10:00
Янгиликлар

"Арсенал" Суботичга эътибор қаратди

Ёзда "Арсенал" Дортмунднинг "Боруссия" клуби ҳимоячиси Невен Суботич ёрдамида ҳимояни кучайтирмоқчи.

Бу ҳақда ESPN хабар берди. Бу мавсумда "канонирлар" марказий ҳимоячиси Пер Мертезакернинг ўйинлари Арсен Венгерни ўйлантирмоқда.

Январь ойида Габриэль Паулиста сотиб олинган бўлса ҳам, Венгер ҳимояни кучайтириш йўлларини изламоқда. "Арсенал"нинг трансферлар рўйхатининг бошида Суботич турибди, уни ўз вақтида "Челси" ва "Манчестер Юнайтед" клубларига ўтиши хабар қилинганди.

"Боруссия" билан бирга Невен икки марта Бундеслигада чемпион бўлган, 2013 йилда эса ЕЧЛ финалида ўйнади. Сербиялик футболчининг Германия клуби билан яна бир йиллик шартномаси бор.

Лондон клуби Суботич учун курашда "Ювентус", "Рома" ва "Наполи" каби Италия клубларига рақобат қилиши керак бўлади. Улар ҳам сўнгги икки мавсумнинг каттагина қисмини тиззасидаги жароҳатлар туфайли ўтказиб юборган Невенга қизиқишмоқда.

Ҳавола :

Манба : fapl.ru

Янгиликларни Телеграмда ўқинг!

Рейтинг: