“Арсенал” собиқ скаути амалга ошмаган трансферлар ҳақида: “Месси Британияда фаолият олиб бориш учун рухсатномага эга бўлолмасди, Пике эса …”

“Бу ҳақиқат, Мессини “Барселона” академиясида бўлганида сотиб олишни тавсия қилганман. Бизнинг базамизда бўлган Пикени ҳам.

Нега ўхшамади? Месси билан боғлиқ вазият кўнгилдагидек эмасди ва у Британияда ишлаш учун рухсатнома эга бўлолмасди. Ўша пайтда унинг вакили бўлган Орасио Гажоли билан бир неча учрашувлар ўтказганман, аммо бу амалга ошмади.

Пикенинг трансфери эса мураккаб бюрократик муаммо туфайли амалга ошмади. Якунда эса биз “Барселона” академиясининг ёрқин авлодидан Сеск Фабрегас билан шартнома имзоладик”, дейди скаут.