"Арсенал" Салибани "Ренн"га сотмоқчи эмас
01 июл 2021 18:24
Янгиликлар

"Арсенал" Салибани "Ренн"га сотмоқчи эмас

"Арсенал" ҳимоячиси Уильям Салибани сотиш ниятида эмас.

Ouest-France нашри хабарига кўра, "Ренн" 20 ёшли французни сотиб олиш мақсадида жўнатган таклифига рад жавобини олган.

Француз клуби спорт директори Флориан Морис "Арсенал" билан боғланган, аммо "канонирлар" ўйинчини фақатгина ижарага беришга тайёр, бироқ "Ренн" бунга рози бўлмаган.

Салиба "Арсенал"га 2019 йилда 30 миллион евро эвазига ўтганди. Ўшанда жамоа ўйинчини "Сент-Этьен"га ижарага бериб юборган. 2020 йил Уильям Лондонга қайтди, аммо Микель Артета уни Европа Лигаси учун қайдномага киритмади. Январь ойида ҳимоячи "Ницца"га ижарага берилди.

Ҳавола :

Манба : Ouest-France

Янгиликларни Телеграмда ўқинг!

Рейтинг: