"Арсенал" Мартин Субимендини ёзда 60 миллионга сотиб олади

"Реал Сосьедад" ярим ҳимоячиси мавсум охирида Лондон клуби сафига кўчиб ўтади, деб хабар бермоқда "Daily Mail". 

"Канонирлар" футболчи шартномасидаги 60 млн евро қилиб белгиланган товон пули ҳақидаги банддан фойдаланишади. 

Музокаралар ижобий руҳда давом этмоқда. Манбалар бу трансферда деярли барчаси ҳал бўлганини айтмоқда. 

Таъкидланишича, "Арсенал" Субимендини ҳозироқ таркибига қўшиб олишни истамоқда, лекин "Сосьедад" хавбек мавсум охиригача кетмаслигига ундаган. 

Ла Лига жорий мавсумида 25 ёшли испаниялик 18 бор майдонга тушди ва 1 тадан гол ҳамда ассист қайд этди.