"Арсенал" А Сериянинг юлдузларидан бирини қўлга киритиш бўйича музокараларни бошлади
22 ноя 11:04
Янгиликлар

"Арсенал" А Сериянинг юлдузларидан бирини қўлга киритиш бўйича музокараларни бошлади

Лондоннинг "Арсенал" клуби "Ювентус" вингери Кенан Йилдизга жиддий қизиқиш билдирмоқда ва уни қўлга киритиш ҳақида ўйламоқда, дея хабар бермоқда Caught Offside нашри.

20 ёшли футболчининг агенти Хорхе Мендес аллақачон Туринда инглиз клуби вакиллари билан учрашиб, томонлар эҳтимолий трансфер масаласини муҳокама қилишган. Битим 90-100 миллион евро атрофида бўлиши кутилмоқда.

Аввалроқ, Йилдизни “Манчестер Юнайтед” ва “Челси” ҳам кузатиб бораётгани хабар қилинганди. Туркиялик ярим ҳимоячининг “Ювентус” билан шартномаси 2029 йилнинг 30 июнига қадар мўлжалланган.

Йилдиз жорий мавсумда 14 та ўйинда майдонга тушиб, 3 та гол урди ва 4 та голли узатмани амалга оширди.