АПЛ. Де Брюйне — мавсумнинг энг яхши футболчиси
16 авг 2020 16:07
Янгиликлар

АПЛ. Де Брюйне — мавсумнинг энг яхши футболчиси

"Манчестер Сити" ярим ҳимоячиси Кевин де Брюйне Англия чемпионати 2019/20 йилги мавсумининг энг яхши ўйинчиси деб топилди.

Бельгиялик футболчи овоз бериш жараёнида дарвозабон Ник Поуп ("Бёрнли"), ҳимоячи Трент Александер-Арнолд ("Ливерпуль"), ярим ҳимоячилар Жордан Хендерсон, Садьо Мане (ҳар иккиси – "Ливерпуль"), ҳужумчилар Дэнни Ингз ("Саутгемптон") ва Жейми Вардини ("Лестер") ортда қолдирди.

Мавсум давомида 35 ўйин ўтказган де Брюйне 13 гол ва 20 та голли узатмани амалга оширди. Шунингдек, ярим ҳимоячи якунига етган мавсумда ассистлар сони бўйича "Арсенал"нинг собиқ форварди Тьерри Анри томонидан АПЛ-2002/03да ўрнатилган рекордни ҳам такрорлади.

Аввалроқ "Ливерпуль" устози Юрген Клопп мавсумнинг энг яхши мураббийи, "қизиллар" ҳимоячиси Трент Александер-Арнолд эса энг яхши ёш ўйинчи деб топилган эди.

Мавсумнинг энг яхши футболчисини аниқлашда мухлислар, 20 клубнинг сардорлари ва футбол экспертларининг овозлари инобатга олинган.

Ҳавола :

Манба : Sky Sports

Янгиликларни Телеграмда ўқинг!

Рейтинг: +7