Анри: "Гвардиола — тарихдаги энг яхши мураббий"

"Арсен Венгер ақлимни очган бўлса, Хосеп Гвардиола кўзимни очди. "Барселона"да ўйнаганимда, биз нима қилишни аниқ билардик. Ҳар бир майда деталгача — ҳаммаси унинг назоратида эди. Ўйлайсанки, бу узоққа чўзилмайди. Лекин у буни қайта-қайта амалга оширмоқда. Агар Пеп ҳақида бир гап айтишим керак бўлса, у — тарихдаги энг яхши мураббий",- дейди Анри. 

Эслатиб ўтамиз, Гвардиола ҳозирда Англиянинг “Манчестер Сити” жамоасини бошқармоқда. У фаолияти давомида уч марта Чемпионлар лигасида ғолиб чиққан — иккита совринни “Барселона” билан, биттасини эса “Манчестер Сити” билан қўлга киритган.