Андрей Микляев: "Локомотив"ни кейинги босқичга олиб чиқадиган исталган натижа мени қониқтиради"

Унга жамоа ҳужумчиси Темурхўжа Абдухолиқов ҳамроҳлик қилди.

"Клубни кейинги босқичга олиб чиқадиган исталган натижа мени қониқтиради. Албатта кейинги босқичга чиқишни истаймиз. Аммо имкониятларни тенг деб баҳолайман", - дейди Микляев.

"Барчани Ҳайит байрами билан табриклайман. Ўйинга келсак жуда қизиқарли ўйин бўлади. Бизнинг устунлигимиз ўз уйимизда ўйнашимиз. Насиб қилса кейинги босқичга чиқамиз", - дейди Темурхўжа Абдухолиқов.

- Рақиб сафида Кайо ўйнади. Уни ўрганиб чиқдингизми?
- Албатта рақиб сафида маҳоратли футболчилар ўйнашади. Кайони ўргандик. Аммо менга рақиб сафида Омар Абдулраҳмон ва Асприлла каби футболчилар ёқди.

- Жароҳат олганлар борми?
- Афсуски ҳа. Степанович жароҳат олиб сафдан чиққан. Ўтган ўйинда Шерзод Файзиев жароҳат олди.

- Олий лигада тўпурарсиз, аммо ОЧЛда голсиз серия чўзилиб кетди...
Темурхўжа Абдухолиқов: - Албатта, олий лига билан ОЧЛни солиштириб бўлмайди. Эртага имкон қадар гол уришга ва жамоамга ғалаба келтиришга уринаман.

- Жамоа пенальтилар сериясига тайёрми?
- Ҳа тайёр.

- Рақиб сафида қайси футболчини алоҳида кўрсатган бўлардингиз?
Темурхўжа Абдухолиқов: - "Ал Айн" сафида маҳоратли футболчилар кўп. Уларни бирма бир санаб ўтириш шарт эмас деб ўйлайман.

- Эртага жамоа қандай ўйин кўрсатади ҳужумкор ёки ҳимоявий?
Темурхўжа Абдухолиқов: - Ўйиндан олдин барча карталарни очиб юбориш тўғри бўлмаса керак. Лекин шахсан менга ҳужумкор ўйин ёқади, мураббийлар қандай тактика танлашса шундай ўйнашга тайёрмиз.


Нарзулла Сайдуллаев