Андрей Фёдоров: "Икки футболчимда жароҳат бор"

- "Локомотив"нинг барча мухлисларини табриклайман. Ўйиннинг биринчи бўлими қийин ўтди. Очко учун бу ерга келган рақибимиз асосан ҳимояда ўйнади. Бундай ўйинларда тезкор гол уриш керак бўлади. Шундагина рақиблар очилади. Танаффусдан кейинги тезкор гол эса рақибни доимий босимда ушлашга ёрдам берди. Шогирдларимга раҳмат айтаман.

Жамоамизни 11 нафар футболчи ташкил этмаган. Барчага ўйин амалиёти бериши керак. Ҳозирда биз шундай даврдамизки, ротацияга қўл уриш керак. Олдинда тақвим зич, қандайдир кичик даврда 12-13 ўйин ўтказамиз. Агарда ротацияга қўл урмаса, кейинчалик футболчилар йўқотиб қўйиши мумкин.

Райевацни анчадан буён биламиз. Унинг ўйинлари менга доимо ёқиб келган. Ўтган ёзда уни олмоқчи эдик. Аммо вазият ўзгариб, Темурхўжани қайтардик. Бизнинг ўйин услубимиз ўзига ҳос. Шу боисдан нафақат легионерлар, балки, янги футболчилар ҳам жамоага мослашиши доимо қийин кечади.

Жокич жароҳат олган. "Навбаҳор"га қарши ўйиндан кейин у 3 марта машғулот ўтказди. Ҳайдаров эса бу жароҳати билан бир ҳафтани ўтказиб юбориши мумкин.

Менсимаслик? Йўқ, ундай эмас албатта. Шунингдек, ОЧЛ фактори ҳам эмас. Биринчи бўлим қийин ўтгани учун кийиниш хонасида йигитларга иккинчи бўлимда ўйинни тезлаштириш кераклигини тушунтирдим. Аммо "Локомотив" кучни тежаб ўйнади деган фикрга қўшила олмайман.

Олег Зотеев: - Биринчи бўлим қийин ўйин ўтди. Иккинчи тайм эса бироз биринчисига қараганда осонроқ кечди. Сўнгги икки ўйинда ғалабага эришганимиз ОЧЛдан олдин бизга руҳий ёрдам бериши мумкин. "Андижон" жамоасига омад тилайман.