Андижонлик ишқибозлар диққатига
09 апр 2015 10:00
Янгиликлар

Андижонлик ишқибозлар диққатига

Маълумки, 11 апрель куни биз мухлисларни қизиқарли кечиши кутилаётган водий дербиси ўйини кутиб турибди. Шу куни "Андижон" жамоаси сафарда "Қўқон-1912" меҳмони бўлади.

Мазкур учрашувга "Андижон" ишқибозлар клуби ҳам астойдил тайёргарлик кўрмоқда. Футболчиларимизни бевосита стадионда тартибли равишда қизғин қўллаб-қувватлаш учун астойдил ҳозирлик кўрилмоқда. Шунингдек андижонлик ишқибозларга қулайлик яратиш мақсадида "Қўқон-1912" билан ўйинга чипталар Андижон шаҳрида ҳам сотилаётганини маълум қилиш жоиз. Агарда сизда ҳам Қўқонга бориб, "бургутларни" қўллаб-қувватлаш истаги бўлса, у ҳолда "Наврўз" стадиони олдида Лутфулло Тешабоевдан чипталарни сотиб олишингиз мумкин бўлади.

Мезбон жамоа андижонлик мухлислар учун 7-секторни ажратган. Жойлар чегараланган ва чипталарни сотиб олишга шошилинг.

Энг муҳими сафар давомида севимли жамоамизни одоб-аҳлоқ қоидаларига амал қилган ҳолда, қўллаб-қувватлайлик. Зеро, спорт бу - дўстликдир.

"Андижон" ишқибозлар клуби.

Ҳавола :

Манба : championat.asia

Янгиликларни Телеграмда ўқинг!

Рейтинг: