“Андижон” йиғинга киришди

Жамоа иккинчи босқичнинг дастлабки иккин турини ўз майдонида ўтказади. Шу боис мураббийлар штаби чемпионатнинг ҳал қилувчи босқичи старт олгунга қадар йиғинни “Андижон”да ўтказишга қарор қилган.

Маълумотларга қараганда, биринчи даврада “Пахтакор” ёшлар жамоасида ҳаракат қилган Асилжон Мансуров жамоа йиғинига келиб қўшилган. Шунингдек биринчи даврада ҳеч бир жамоа сафида кўриниш бермаган Анвар Абдуқодиров ҳам бугунги кунда "бургутлар" машғулотларида иштирок этмоқда. Бу футболчининг келишини унинг акаси Қаҳрамон Абдуқодиров билан боғлиқ бўлса керак. Боиси Қаҳрамон Абдуқодиров айни пайтда “Андижон” мураббийлар штабида фаолият юритмоқда.

Ҳумоюн Давуров