UZ

Сўнгги янгиликлар

23:14Элдор Мойлиев: "Сирожиддин Қўзиев легионерга айланди"  0 22:58Ди Марцио Элдор Шомуродовнинг янги жамоасини маълум қилди  5 22:40Расман: Абрахам яна "Рома"дан кетди, бу сафар бутунлайга  1 22:19Суперлига. Турнир тубидагилар тўқнашувида "Қизилқум" меҳмонда "Шўртан"дан устун келди  8 21:50Ансу Фати: "Барселона"дан доимо миннатдорман"  0 21:25Расман: Мирко Йеличич "Олимпик"дан кетди  2 21:15МЮ собиқ мураббийи Санчо ҳақида: "У машғулотларда энг зўрларидан бири эди, лекин..."  1 20:44"Зенит"га ўтган футболчи "Ал Насср"да 30 млн евро маош олиши мумкин эди  0 20:05"Флуминенсе" сардори Тиаго Силванинг нутқи тармоқларни "портлатмоқда"  5 19:47Ўзбекистон Кубоги чорак финалига қуръа ташланди  22 19:20Клопп: "Диогу нафақат фантастик футболчи, балки ажойиб дўст, меҳрибон эр ва ота эди!"  1 18:45"Реал" футболчиси жамоани тарк этиши учун пул таклиф қилди  12 18:16"Барселона" 3 нафар футболчисини трансферга қўяди: Каталония клубини ким тарк этади?  6 17:53Мюллер футболдаги трансфер нархларини танқид қилди  3 17:40Ҳужжатларни сохталаштириш билан боғлиқ ҳолат сабаб "Нефтчи" ходимларининг иши ЎФА қўмитасида кўриб чиқилади  16

Андижонликлар Қирғиз Республикасида чемпион бўлди Янгиликлар

Андижонликлар Қирғиз Республикасида чемпион бўлди

Хабарингиз бор, охирги йилларда Ўзбекистон ва Қирғиз Республикаси футболи ўзаро ҳамкорлик қилиб келмоқда.

Хусусан, 13-14 декабр кунлари Қирғиз Республикасининг Ўш шаҳрида спортнинг футзал тури бўйича 2009-2010 йилларда туғилган болалар ўртасида халқаро мусобақа ўтказилди. 

Унда Ўзбекистондан Андижон шаҳар Олимпия ва миллий спорт турлари бўйича давлат ихтисослаштирилган мактаб-интернати ва Фарғона вилояти футзал жамоалари иштирок этди. 

Қизиқарли ва муросасиз ўтган мазкур мусобақада якунда андижонлик ёш футзалчилар чемпионликни қўлга киритди. 

Мураббий Аҳрорбек Иминов бошчилигидаги Андижон шаҳар ОМСТБДИМИ-2009 жамоаси финалда Жалолобод жамоаси ёшларини 6:0 ҳисобида мағлуб этди. 

Турнир ташкилотчилари андижонлик ёшлардан Низомиддин Зиёхиддинов билан Асадулло Раҳимовни ўз ампуласи бўйича энг яхшилар қаторида алоҳида эътироф этиб, махсус соврин билан тақдирлади. 

Мазкур мусобақадан сўнг ғолиб жамоа бош мураббийи Аҳрорбек Иминовнинг фикрлари билан қизиқдик. 

- Албатта, мазкур мусобақа биз учун жуда ҳам фойдали бўлди. Ўтган йили ҳам ушбу турнирда иштирок этгандик. Мусобақа савияси ёмон эмас. Асосийси, қўл остимиздаги ёш футболчиларнинг халқаро тажриба ошириши ҳамда ўйин амалиётига эга бўлиши эди. Беллашувлар биз учун осон ўтмади. Шогирдларимнинг ҳаракатларидан қониқдим. Улар берилган кўрсатмаларни тўлиқ бажаришга ҳаракат қилди. Якунда мусобақа ғолибига айландик. Албатта, бу натижа ҳам бизга қўшимча куч бағишлайди. Турнир ташкилотчиларига ўз миннатдорчилигимни билдираман, деди Иминов.

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика