Ispaniya prokuraturasi 61 yoshli italiyalikni 1 million evro miqdorida soliq to'lamaganlikda ayblamoqda.
Gap shundaki, murabbiy 2014-15 yillarda "Real"da ishlab yurgan paytlarida imij huquqlari asosida keladigan foydadan soliq to'lashi kerak bo'lgan.
Madrid prokuraturasi Anchelottini ushbu foydani hukumatdan yashirganlikda ayblamoqda.
Italiyalik murabbiy 2013-2015 yillar davomida "Real"ni boshqargan. Uning qo'l ostida jamoa 2014 yili Ispaniya Kubogi, Chempionlar ligasi, UEFA Superkubogi hamda klublar o'rtasidagi JCH sovrinini qo'lga kiritgandi.
