Анчелотти 1 миллион евро солиқ тўламаганликда айбланмоқда
22 июн 2020 19:40
Янгиликлар

Анчелотти 1 миллион евро солиқ тўламаганликда айбланмоқда

"Эвертон" бош мураббийи Карло Анчелоттида юридик муаммолар пайдо бўлди.

Испания прокуратураси 61 ёшли италияликни 1 миллион евро миқдорида солиқ тўламаганликда айбламоқда.

Гап шундаки, мураббий 2014-15 йилларда "Реал"да ишлаб юрган пайтларида имиж ҳуқуқлари асосида келадиган фойдадан солиқ тўлаши керак бўлган.

Мадрид прокуратураси Анчелоттини ушбу фойдани ҳукуматдан яширганликда айбламоқда.

Италиялик мураббий 2013-2015 йиллар давомида "Реал"ни бошқарган. Унинг қўл остида жамоа 2014 йили Испания Кубоги, Чемпионлар лигаси, УЕФА Суперкубоги ҳамда клублар ўртасидаги ЖЧ совринини қўлга киритганди.

Ҳавола :

Манба : Goal

Янгиликларни Телеграмда ўқинг!

Рейтинг: