Ана холос! Магометов беш марта ўзини ўзи тайинлаб, беш марта ўзига ўзи ҳисобот топширди
21 апр 2014 10:00
Янгиликлар
Ана холос! Магометов беш марта ўзини ўзи тайинлаб, беш марта ўзига ўзи ҳисобот топширди
Маълумки, бу йилдан эътиборан олий лиганинг ҳар бир ўйинига ПФЛ томонидан комиссар тайинланяпти.
Комиссарнинг ўйин пайтида амалга оширадиган иши ниҳоятда кўп (хусусан Осиё чемпионлар лигаси учрашувларида кўрганмиз), лекин ўзимизнинг олий лигада улар нима билан машғул, очиғи унчалик тушунмаяпмиз.
ОФК ПФЛга ички чемпионатнинг ҳар бир ўйинига комиссар қўясан деди, ПФЛ ҳам шартта бу шартни бажаришга киришди. Эътибор беринг, ҳозирча олий лииганинг беш тури якунига етди. Бу эса 35та ўйин деганидир. Мана шу 35та учрашувнинг ҳаммасида комиссар (бошқача айтганда ПФЛ вакили) ишлади.
Лекин қизиғи шундаки, ПФЛ томонидан 2014 йилги футбол мусобақалари учун регламентнинг 11-моддасида шундай дейилган: олий лига баҳсларида ишлайдиган комиссарлар рўйхатини ПФЛ директори тузади ва тасдиқлайди. Бундан ташқари, ҳар бир комиссар ўзи иштирок этган ўйин ҳисоботини ПФЛ бош директорига топширади.
Шундан келиб чиқиб айтадиган бўлсак, Фарҳод Магометов шу кунгача беш марта ўзини ўзи тайинлаб, беш марта ўзига ўзи ҳисобот берган бўлиб чиқяпти. Чунки ПФЛ бош директори ҳозирча бешта ўйинда (“Олмалиқ” - “Металлург”, “Локомотив” - “Насаф”, “Бунёдкор” - “Олмалиқ”, “Нефтчи” - “Қизилқум”, “Бунёдкор” - “Локомотив”) учрашув комиссари сифатида фаолият кўрсатди.
Шу ўринда бизни ўйлантираётган масала шуки, ПФЛ раҳбари ўзини ўзини комиссар этиб тайинлади ҳам дейлик, лекин ўзига ўзи қандай ҳисобот топширган? Ҳар ҳолда “Мен ким, фалончи турнинг фалончи ўйинида комиссарлик қилган Фарҳод Магометов ПФЛ бош директори Фарҳод Абдуалиевичга шуни маълум қиламанки, кечаги футбол беллашуви ҳеч қандай тортишувларсиз, тинч ва осуда ўтди” деган мазмунда бўлмаса керак. Янаям билмадик.
Хайрулла Холиқов.
ОФК ПФЛга ички чемпионатнинг ҳар бир ўйинига комиссар қўясан деди, ПФЛ ҳам шартта бу шартни бажаришга киришди. Эътибор беринг, ҳозирча олий лииганинг беш тури якунига етди. Бу эса 35та ўйин деганидир. Мана шу 35та учрашувнинг ҳаммасида комиссар (бошқача айтганда ПФЛ вакили) ишлади.
Лекин қизиғи шундаки, ПФЛ томонидан 2014 йилги футбол мусобақалари учун регламентнинг 11-моддасида шундай дейилган: олий лига баҳсларида ишлайдиган комиссарлар рўйхатини ПФЛ директори тузади ва тасдиқлайди. Бундан ташқари, ҳар бир комиссар ўзи иштирок этган ўйин ҳисоботини ПФЛ бош директорига топширади.
Шундан келиб чиқиб айтадиган бўлсак, Фарҳод Магометов шу кунгача беш марта ўзини ўзи тайинлаб, беш марта ўзига ўзи ҳисобот берган бўлиб чиқяпти. Чунки ПФЛ бош директори ҳозирча бешта ўйинда (“Олмалиқ” - “Металлург”, “Локомотив” - “Насаф”, “Бунёдкор” - “Олмалиқ”, “Нефтчи” - “Қизилқум”, “Бунёдкор” - “Локомотив”) учрашув комиссари сифатида фаолият кўрсатди.
Шу ўринда бизни ўйлантираётган масала шуки, ПФЛ раҳбари ўзини ўзини комиссар этиб тайинлади ҳам дейлик, лекин ўзига ўзи қандай ҳисобот топширган? Ҳар ҳолда “Мен ким, фалончи турнинг фалончи ўйинида комиссарлик қилган Фарҳод Магометов ПФЛ бош директори Фарҳод Абдуалиевичга шуни маълум қиламанки, кечаги футбол беллашуви ҳеч қандай тортишувларсиз, тинч ва осуда ўтди” деган мазмунда бўлмаса керак. Янаям билмадик.
Хайрулла Холиқов.
championat.asia
Суперлига. "Пахтакор" сўнгги дақиқаларда "Насаф" дарвозасига иккита гол уриб, мағлубиятдан қутулиб қолди
Криштиану Роналду шартнома узайтирилгани ҳақида: "Менинг амбицияларим тугамайди"
Суперлига. "Қизилқум" сўнгги дақиқаларда гол уриб, "Нефтчи"ни ғалабадан маҳрум қилди
Суперлига. "Навбаҳор" ўз майдонида "Машъал"га жавобсиз 6 та тўп йўллади, Ғуломовда дубль, Жияновда 3 та ассист!
Фикрлар