Аллегри: "Погба катта масъулиятни ўз бўйнига олишни истади"

"Жамоамиз айни пайтда жисмоний жиҳатдан яхши ҳолатда. Сўнгги тўрт йил ичида "Ювентус" кўплаб совринларни қўлга киритди. Лекин энди ҳаммасини бошқаттан бошлаш керак. Бир қатор ёшлар таркибга келиб қўшилган кишини қувонтиради. Жамоанинг ўзаги аввалгидек сақланиб қолган. "Ювентус"ни тарк этган барча футболчилар ўзлари кетишни исташди. Трансфер бозори? Ҳозир бу ҳақида эмас, ўйин борасида бош қотирмоқдамиз. Мавсумни соврин билан бошлаш ёқимли бўлади. Бизда ажойиб ҳужум чизиғи ташкил бўлган. Ким майдонга чиқиши муҳим эмас. Ҳар қандай ғолатда ҳам менга захирадан янги футболчини тушириб, ўйинни кучайтира олиш варианти сақланиб қолади. Погба ўзи 10-рақамда ўйнашни истади ва бу рақамни ўзи сўраб олди. Поль катта масъулиятни ўз бўйнига олиш истагини билдирди. Бу рақамда ўйнаш қўшимча масъулият юклайди", - дейди Аллегри.


Эслатиб ўтамиз, Италия суперкубоги учун бўладиган "Ювентус" - "Лацио" баҳси бугун Тошкент вақти билан 17:00да бошланади.