Алиссон: "Ливерпуль"ни қандай уйғотишни билмаяпман"

"Футболда баъзида хатолар ҳам қилинади ва шу сабабли жазо олинади. Буни биз қайта ва қайта такрорладик. Ўйин бошидаги икки хато ва икки гол. Ўз ҳаётимизни ўзимиз қийинлаштиряпмиз. Иккинчи бўлимни жуда яхши ўтказдик. Учинчи голда биз яхшироқ ҳаракат қилишимиз ҳам мумкин эди. Ўшанда рақиб жуда зўр ўйнаб юборди.

Нималар бўлаётганини билмайман. Жамоани қандай уйғотишни ҳам тушуна олмаяпман. Барчамиз бу ерга бир-биримизга бўлаётган ишончни кўрсатиш учун, ишлар ёмонлашмаслиги учун келгандик. Барчасини ортда қолдириб, бор кучни ўйинларга ташлаш керак.

Ўйинлар давомида бизга барқарорлик керак. Бизни шунчаки 15 дақиқалик учун қаттиқ жазолашди. Таркибимизда клуб билан катта натижаларга эришган футболчилар ўйнамоқда. Аммо шунда ҳам яхши ўйин кўрсата олмаяпмиз. Ишлар нега ундай кетаётганини тушунтира олмайман.

Хатоларнинг барчасини тўғирлай оламиз деб ваъда бера олмайман. Ишлашда давом этиш керак", - деди Алиссон.