Алисон: “ЕЧЛ ярим финалида “Энфилд”даги баҳс кўп нарсани ўзгартириб юборганди”

“Бундай муҳим қарорларни қабул қилишда гап фақат клубни алмаштиришда бўлмайди. У амалда бутун ҳаётингни ўзгартириб юбориши мумкин. Бу менинг оилам –рафиқам ва қизимнинг тақдирига ҳам тегишли.

Ярим финалда “Энфилд”да кечган ўша беллашув менинг бу қарорга келишимда янада туртки бўлганди. Албатта, бу стадионда кечган бошқа беллашувларни ҳам кузатгандим. Клоппнинг жамоани қай тарзда майдонга бошлаб тушишига эътибор қаратдим. Бу ҳолат менга жуда маъқул келганди. Бундай жамоада ўйнаш истаги ўз-ўзидан кучайганди.

Ўйлайманки, “Ливерпул”нинг ўзига хос тарихини яратишда муҳим рол ўйнайман ва совринлар ютиб, ушбу лойиҳада фаол иштирок этаман”, дея Алисоннинг сўзларидан иқтибос келтирмоқда “Ливерпул” матбуот хизмати.

Эслатиб ўтамиз, ЕЧЛ-2017/18 йилги мавсумнинг ярим финалида “Ливерпул” “Энфилд”да “Рома”ни 5:2 ҳисобида таслим этганди.