Алишер Мирзаев: "Бизни қийин учрашув кутмоқда"
14 окт 2016 08:05
Янгиликлар

Алишер Мирзаев: "Бизни қийин учрашув кутмоқда"

Олий лиганинг 25-туридан ўрин олган "Сўғдиёна" - "Обод" учрашуви олдидан меҳмонлар ярим ҳимоячиси Алишер Мирзаевнинг фикрлари билан қизиқдик.

- "Нефтчи" устидан қозонилган ғалабадан сўнг ўзимизга бўлган ишонч янада ортди. Қолаверса, мухлислар ҳам бизга кўпроқ ишона бошлади. Турлар орасида катта танаффус юзага келган бўлса-да, биз машғулотларда қаттиқ ишладик. "Нефтчи" билан бўлган беллашувдан кейин мураббийлар штаби бизга қисқа муддатли таътил берди. Олий лиганинг айрим клубларидан фарқли равишда биз бу орада ўртоқлик учрашувида майдонга тушмадик. Ўйлайманки, бу бизга салбий таъсир қилгани йўқ. Айтишим мумкин, "Обод" футболчилари ҳозир ажойиб формада. "Сўғдиёна" жиддий рақиб, биз уларни ҳурмат қиламиз. Ишонаманки, учрашувда бизга осон бўлмайди ва албатта уларга ҳам.

Ҳавола :

Манба : championat.asia

Янгиликларни Телеграмда ўқинг!

Рейтинг: +1