Александр Хомяков: "Бугун жангвор дуранг бўлди деб ҳисоблайман"

Ўйин ҳақида

- Андижондаги мавсумнинг илк ўйини ва катта футбол чемпионатининг очилиши билан барчани табриклайман. Ғалаба қозонишни ҳоҳладик. Ёмон ўйин бўлмади, мухлислар жуда ёрқин атмосфера ташкил қилиб беришди. Рақиб жуда кучли ва қизиқарли жамоа эди. Хавфли ҳужумлари бор. Бугун жанговор дуранг бўлди деб ҳисоблайман.

- Биринчи турда ҳам жамоа иккинчи бўлимда сусткашликка йўл қўйганди. Бунга муносабатингиз қандай?

- Эҳтимол шундай бўлаётгандир. Бизда режалар бундай эмас. Гол уриб олганимиздан сўнг бир оз хотиржамликка берилдик. Рақиб кучли эди, шундан келиб чиқиб, ҳимояда тартибли ўйнашга ҳаракат қилдик. Курашларга бой ўйин бўлди. Иккинчи бўлимларимизда руҳият билан боғлиқ муаммолар бўлиши мумкин.

- Жамоа таркибига янги қўшилган футболчилардан кўнглингиз тўлаяпти?

- Қониқаяпманми, ёки йўқ, буни ўйинлар давомида кўрамиз. Таркибга лойиқ деб ҳисобланган футболчилар олиб келинган. Янги футболчиларимиз бор, вақт керак. Даражалари ёмон эмас.

- Захирадан қўшилганлар ўйинни қанчалик кучайтира олди?

- Ўйин амалиёти барчага керак. Мавсум эндигина бошланди, дарҳол хулоса чиқариш тўғри эмас. Футболчилариимизга ишонаман, эътирозларим йўқ.