Александр Лобанов: "Энг яхши дарвозабон деб топишганидан хурсандман"

Дарвозабон 29 ноябрь кунги хайрия тадбиридан сўнг ўз фикрларини билдириб ўтди.

"Бундай тадбирларни кўпроқ ўтказиб туриш керак. Одамлар келиб биз билан бирга футбол ўйнашди. Ҳар қандай мухлис футболчилар ҳам оддий инсон эканлигини тушуниб етиши лозим. Бундай ўйинларда ғолиб ким экани муҳим эмас.

Сайт ижодкорлари ва мухлислари мени йилнинг энг яхши дарвозабони сифатида тан олишганидан бошим осмонга етди. Барча овоз берганларга миннатдорчилик билдираман. Энди мен янада кўпроқ меҳнат қилиб бежизга бундай совринни олмаганимни исботлашим керак. Энг яхши бўлишимда албатта жамоадошларимнинг ҳам хиссаси бор. Уларга ҳам раҳмат.

Камолиддин Кенжаевга қарши ўйнаш насиб қилмаган. Лекин танишларим у ҳақида гапириб беришди. Жуда меҳнаткаш, шижоатли футболчи бўлганини айтишди. Терма жамоага чақирилган, ўша пайтда термада жуда катта рақобат бор эди. Кенжаевга ҳеч қачон тушкунликка тушмаслигини ва барчаси яхши бўлишини тилаб қоламан", - дейди Александр Лобанов. 


Нарзулла Сайдуллаев суҳбатлашди