UZ

Сўнгги янгиликлар

02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  20 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  1 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  17 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  35 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  6 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8 22:00Қирғизистон бош мураббийи: "Майдон ҳолати сифатли футбол кўрсатишга йўл қўймади"  7 21:55CAFA Nations Cup-2025. Ўзбекистон — Ўмон 1:1   30 21:32"CAFA Nations Cup-2025" Ўзбекистон илк ўйинда Кейруш бошчилигидаги Ўмонни юта олмади  376 21:23АПЛ. "Тоттенхэм" кутилмаганда ўз майдонида "Борнмут"га мағлуб бўлди, МЮ эса автогол ва пенальти эвазига "Бёрнли"дан устун келди  11

Александар Станиславлевич: «Суперлига ўйинларида энг яхшиларни ким танлаши ҳамда қайси критерияларга асосланишларини тушунмайман ва бу менга қизиқ эмас» Янгиликлар

Александар Станиславлевич: «Суперлига ўйинларида энг яхшиларни ким танлаши ҳамда қайси критерияларга асосланишларини тушунмайман ва бу менга қизиқ эмас»

Яйпандаги ўйиннинг энг яхши футболчиларидан бири нималар деди?

Суперлиганинг 11-тури доирасидаги «Қўқон-1912» — «Қизилқум» (1:3) учрашувининг ҳақиқий қаҳрамонига айланган ва жорий мавсум чемпионатда ёрқин ўйнаётган навоийликларнинг сербиялик легионери Александар Станиславлевичнинг фикрлари билан қизиқдик.



«Кечаги ғалабани бутун Навоий аҳлига, жамоамиз мухлислари ва клуб раҳбариятига бағишлаймиз. Мен ҳар ўйинда ишончни оқлашга ва доим жамоамга наф келтиришга уринаман. Самарадорлигимда жамоадошларимни хизмати катта, ҳар бир натижага биргаликда эришамиз. Албатта гол урганим ва қолган голларга ассистентлик қилганим ёқимли. Муҳими, жамоамиз ғалаба қозонди. Самарадорлигимнинг сири бу жамоавий меҳнат. 


Ўйинда энг яхши бўлмаганим? Энг яхши футболчи дея топилмаганим мени қизиқтирмайди. Мен майдонда ўз ишимни қиламан. Умуман бу ерда энг яхши футболчини ким танлаши ва қайси критерияларга асосланишларини тушунмайман. Қайтараман, мен учун энг муҳими жамоага фойда келтириш. Европада энг яхшиларни экспертлар гуруҳи аниқлайди. Суперлигада ким аниқлайди? Очиғи билмадим ва бу менга қизиқ эмас. Лекин сизларнинг сайтингизда ҳар ҳафта лауреатларни аниқланиши ва дрим тим ташкиллаштирилишидан хабардорман. Энг муносиб баҳони бу ерда «championat.asia» беради, дейишганди. Алдашмаган экан. Ўзбекистон чемпионатида футболдан роҳатланиб ўйнаяпман ва бунинг учун жамоамизнинг ҳар бир аъзосига миннатдорчилик билдираман. Менга Суперлигада ўйнаш ёқмоқда. Чемпионат қизиқарли ва кутилмаган натижаларга бой ўтмоқда. Ҳар турдан кейин пешқадам жамоалар навбати билан ўзгараётгани фикримга исбот.


Шартномам? Менда 1 йиллик шартнома мавжуд. Тўғриси, мен чемпионат давомида трансфер ёки шартнома борасида гаплашиб чалғимайман. Ҳамма диққат-эътиборим «Қизилқум» жамоасига қаратилган. Трансфер ёки шартнома бўйича агентим шуғулланади. Мени ишим майдонда футбол ўйнаш ва жамоага фойда келтиришдан иборат. Ҳозир лигада қисқа танаффус ва кичик таътилдан унумли фойдаланган ҳолда мен ўз оилам бағрига қайтиб, айни пайтда 6 ой кўришмаган болаларим билан вақт ўтказяпман. Айтганча, рафиқам ҳам касбдошингиз, яъни журналист. У ҳам сайтингизни ва ижтимоий тармоқлардаги саҳифаларингизни доимий кузатиб боради», дея ўз фикрларини билдирди Александар Станиславлевич.



Маълумот учун: Александар Станиславлевич қишда Сербия чемпионатидан «Қизилқум»га келиб қўшилган ва Суперлигада ўтказилган 11 ўйинда 4 гол урган ва 7та голга ассистни бажариб, гол плюс пасда 11 очко тўплаган ҳолда катта фарқ билан пешқадамлик қилмоқда. Александар «Қизилқум»нинг жорий мавсумдаги киритилган 17та голининг 11тасида бевосита қатнашган футболчи.


Абдулазиз Искандаров суҳбатлашди.

Муаллифнинг телеграм канали: Интерьюлар олами

Муаллиф : Iskandarov Abdulaziz
Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика